Таҗикстан президенты Казанның – БРИКС саммитын кабул итүче шәһәрнең — үзенчәлекле статусын билгеләп үтте

Рөстәм Миңнеханов һәм Илсур Метшин Эмомали Рахмон белән очрашты

Бүген ТР рәисе Рөстәм Миңнеханов һәм Казан мэры Илсур Метшин ТР башкаласына «аутрич»/«БРИКС плюс» форматында саммит утырышында катнашу өчен килгән Таҗикстан президенты Эмомали Рахмон белән очрашу уздырды.

Татарстан башлыгы кунакны сәламләп, аңа республикага игътибары өчен рәхмәт белдерде. Әңгәмә вакытында Эмомали Рахмон Казанның – БРИКС саммитын уздыру урыны итеп сайланган шәһәрнең — үзенчәлекле статусын билгеләп үтте.

Аннары яклар хезмәттәшлекнең төп юнәлешләре турында фикер алыштылар, дип хәбәр итә ТР рәисе матбугат хезмәте. «Без сезнең ил базарында Татарстанның әйдәп баручы ширкәтләрен киңәйтү белән кызыксынабыз», – дип мөрәҗәгать итте Рөстәм Миңнеханов Эмомали Рахмонга.

Таҗикстан президенты сүзләренчә, аларның илендә төбәк белән хезмәттәшлек мәсьәләсе игътибар үзәгендә кала. Дәүләтнең Россия Федерациясе белән гомуми сәүдә күләмендә Татарстан өлеше 50 млн доллар тәшкил итә. «Бу күрсәткечне арттырырга кирәк», — дип саный ул.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар