В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Казанда ТР Спорт министрлыгы карамагындагы 11 спорт мәктәбе тәкъдим ителәчәк.

(Казан шәһәре KZN.RU, 26-нчы август). 27-нче һәм 28-нче августта Казанда ТР Спорт министрлыгы карамагындагы 11 спорт мәктәбе тәкъдим ителәчәк. Шәһәр халкы үзләрен төрле спорт төрләрендә сынап карый, шулай ук интерактив программада - конкурсларда, ярышларда һәм мастер-классларда катнаша алачак.
Презентациянең беренче көнендә, 27-нче августта, шәһәр халкына фехтование, бадминтон, шахмат, шашка, чаңгы ярышлары, сноуборд һәм регби буенча спорт мәктәпләре тәкъдим ителәчәк. Шәһәрлеләр үзләрен регбида сынап карый, бадминтон уйный һәм СССРның атказанган спорт мастеры Наилә Гыйләҗевадан фехтование буенча мастер-класста катнаша алачак.
28-нче августта фигуралы шуу, чирәмдәге хоккей бүлекләре тәкъдим ителәчәк. Халыкка шулай ук ат спорты, дзюдо, стендка ату, сәламәтлек мөмкинлекләре чикләнгән тәрбияләнүчеләр өчен спорт-җайлашу мәктәбе һәм башкалар турында да сөйләячәкләр.
Килүчеләр өчен конкурслар, кубоклар һәм медальләр күргәзмәсе, танылган спортчылар белән очрашулар, уеннар, флешмоб, спарринглар, шулай ук спортчыларның күрсәтмә чыгышлары белән интерактив программа оештырыла. Теләүчеләр өчен фотозона эшләячәк, дип хәбәр итә ТР Спорт министрлыгы матбугат хезмәте.
Чаралар 12.00 сәгатьтән 15.00 сәгатькә кадәр Петербург урамы, 12 адресы буенча ТР Спорт министрлыгы мәйданчыгында узачак.