Киләсе атнада Татарстанда кояшлы һава торышы көтелә

6-нчы июль көнне Казанда һава температурасы +24-26 градус тәшкил итәчәк.

Фото: Денис Гордийко

(Казан шәһәре KZN.RU, 5-нче июль). 6-нчы июль көнне Казанда алмашынучан болытлы һава, явым-төшемсез булачак. Төньяк-көнчыгыштан талгын җил исәчәк. Төнлә минималь температура +10-12 градус, көндез +24-26 градус.

Узган тәүлектә Татарстан көнчыгышка китүче циклонның тыл өлешендә булды, шуңа күрә урыны белән кыска вакытлы яңгырлар ява башлады, ә көндез һава температурасы көнбатышта +18-23 градустан артмады. Әмма якындагы көннәрдә Россиянең Европа территориясенең күп өлешендә һава шартлары киң һәм аз хәрәкәтчән антициклон йогынтысы белән билгеләнәчәк.

6-нчы, 7-нче һәм 8-нче июль көннәрендә республика территориясендә аз болытлы һава торышы урнашачак. Бу чорда явым-төшем аз булачак. 6-нчы, 7-нче июльдә төнлә һава температурасы +8-15 градуска кадәр төшәчәк, көндез һава +22-29 градуска кадәр җылыначак. 8-нче июльдә төнлә +12-17 градус, көндез +27-32 градус булачак. 9-нчы июльдә явым-төшем ихтималы зур түгел. Температура тагын бераз күтәреләчәк һәм төнлә +15-20 градус, көндез +28-33 градус тәшкил итәчәк.

ТР Гидрометүзәкнең якынча фаразы буенча, шимбә, 10-нчы июль көнне, Татарстанда урыны белән кыска вакытлы яңгыр көтелә. Төнлә +15-20 градус, көндез +28-33 градус булачак.

Шул ук вакытта, 12-нче июльгә кадәр Татарстанның Ерак көнчыгыш районнарында урманнарда гадәттән тыш янгын куркынычы саклана (5 класслы), ә республикада урыны белән – югары (4 класслы). Янгыннарны булдырмас өчен үз -үзеңне тоту кагыйдәләрен үтәргә, ә янгын чыккан очракта – РФ Гадәттән тыш хәлләр министрлыгының махсус хезмәтләре («01» телефоны), Бердәм дежур-диспетчерлык хезмәте («112»телефоны) телефоннарына мөрәҗәгать итәргә кирәк.

Шулай ук укыгыз

Барлык яңалыклар