Төнлә Казанда һава температурасы минус 20 градуска кадәр төшәчәк

Республиканың кайбер районнарында томан һәм кар булуы мөмкин.

Фото: Казан шәһәре KZN.RU

(Казан шәһәре KZN.RU, 14-нче декабрь). 15-нче декабрьдә Казанда алмашынучан болытлы һава торышы фаразлана, явым-төшем көтелми. Җил көньяктан уртача тизлектә. Төнлә минус 14-16 градус, аязганда - минус 20 градуска кадәр, көндез минус 8-10 градус салкын булачак. Юлларда бозлавык саклана.

Тулаем алганда, республикада урыны белән кар явачак, төнлә һәм иртән аерым районнарда томан булуы ихтимал. Көньяктан талгын җил исәчәк. Төнге сәгатьләрдә һава температурасы минус 13-18 градус, аязганда - минус 20-25 градус, көндез минус 7-12 градус салкын булачак, дип хәбәр итә ТР Гидрометеорология һәм әйләнә-тирә мохитне күзәтү идарәсе.

Шулай ук укыгыз

Барлык яңалыклар