Киләсе төндә Казан урамнарын кардан чистартуга 47 юл эшчесе һәм 325 махсус техника берәмлеге чыгачак

Юл хезмәтләре казанлылардан автомобильләрне юлларның машина йөрү өлешендә калдырмауларын сорый, чөнки алар махсус техника эшенә комачауларга мөмкин.

(Казан шәһәре KZN.RU, 14-нче гыйнвар). 15-нче гыйнварга каршы төндә Казан урамнарын кардан чистартуда 47 юл эшчесе һәм 325 махсус техника, шул исәптән 86 катнаш юл машинасы, 83 үзбушаткыч, 68 трактор щеткасы, 42 фронталь төягеч, 16 «Барсик» төягече һәм башка төр техника катнашачак.

Карны түбәндәге урамнардан чыгару планлаштырыла: Астрономия, Бауман, Большая Красная, Бондюг, Бутлеров, Волков, Габишев, Гаврилов, Таҗи Гыйззәт, Горький, Декабристлар, Дементьев, Дзержинский, Николай Ершов, Зинин, Зорге, Копылов, Короленко, Олег Кошевой, Кызыл Позиция, Кремль, Гадел Кутуй, Лобачевский, Карл Маркс, Машина төзүчеләр, Мир, Мөштәри, Нариманов, Париж Коммунасы, Петербург, Пушкин, Сәлимҗанов, Таежная, Тихомирнов, Товарищеская, Ульянов-Ленин, Фукс, Фучик, Клара Цеткин, Чернышевский, Чистай, Сибгат Хәким, Аракчино шоссесы, Әмирхан һәм Ямашев проспектлары, Мамадыш, Оренбург һәм Себер трактлары.

Башка участокларда катнаш юл машиналары һәм трактор щеткалары кулланып ком сибү һәм себерү, шулай ук ротор һәм грейдерлар эше башкарылачак, дип хәбәр итәләр шәһәрнең Тышкы төзекләндерү комитетында.

Шулай ук укыгыз

Барлык яңалыклар