Татарстан Республикасы Росреестры һәм Кадастр палатасы вәкилләре казанлыларга гараж амнистиясе буенча консультация бирәләр

Документларны мөрәҗәгать итүчеләрдән район администрацияләрендә яисә җир һәм мөлкәт мөнәсәбәтләре палаталарында кабул итәләр.

Фото: Марат Мугинов

(Казан шәһәре KZN.RU, 15-нче сентябрь). 16-нчы сентябрь көнне Татарстан Росреестры ТР Кадастр палатасы белән берлектә гараж амнистиясе буенча кайнар линия уздырачак. Яңа законның гамәлдә булуы турындагы сорауларны шәһәрлеләр +7(843)255-25-71 телефоны буенча 10:00 сәгатьтән 11:00 сәгатькә кадәр бирә ала.

Гараж амнистиясеннән файдалану өчен мөрәҗәгать итүчеләргә документларны күчемсез милек объекты урнашкан урындагы җирле үзидарә башкарма органына тапшырырга кирәк. Казанда район администрацияләренә мөрәҗәгать итәргә кирәк, ә республика районнарында, кагыйдә буларак, документларны җир һәм милек мөнәсәбәтләре палаталарында кабул итәләр.

Исегезгә төшерәбез, 1-нче сентябрьдән гараж амнистиясе турындагы закон үз көченә керде. Аның гамәлдә булуы 2004 елның 31-нче декабренә кадәр төзелгән, ягъни РФ Шәһәр төзелеше кодексы гамәлгә кергәнче гараж билгеләнешендәге капиталь объектларга кагыла. Гараж амнистиясе 2026 елның 1-нче сентябренә кадәр дәвам итәчәк, дип хәбәр итә Татарстан Росреестрының матбугат хезмәте.

Шулай ук укыгыз

Барлык яңалыклар