23 ил вәкиле FINA йөзү буенча дөнья кубогының беренче этабында катнашу өчен гариза биргән

Ярышларда Юлия Ефимова һәм Владимир Морозов кебек танылган спортчылар катнашачак.

(Казан шәһәре KZN.RU, 24-нче август). 2018 елгы FINA йөзү буенча дөнья кубогының беренче этабы Казанда 250-гә якын иң көчле спортчы җыячак. Бүгенге көндә 23 ил вәкиле гариза биргән. Турнир Су спорт төрләре сараенда 7 сентябрьдән 9 сентябрьгә кадәр узачак.

FINA йөзү буенча дөнья кубогында Катинка Хоссу (Венгрия), Чад Ле Кло (КАР), Сара Шестрем (Швеция), Юлия Ефимова, Владимир Морозов, Антон Чупков һәм Кирилл Пригода (Россия), Митчел Ларкин (Австралия) һ.б. кебек танылган спортчылар катнаша.

Иң эре халыкара ярышларның берсе FINA Халыкара йөзү федерациясе тарафыннан ел саен үткәрелә. Турнир өч кластерга бүленгән җиде этаптан тора: беренчесенә Казан һәм Дохадагы этаплар керә, икенчесенә – Эйндховен һәм Будапешттагы, өченчесенә - Пекиндагы, Токио һәм Сингапурдагы. Беренче кластерда спортчылар 50 метрлы бассейда көч сынаша һәм оештыручылар алар арасында индивидуаль программада 32 комплект бүләк һәм эстафеталарда 2 комплект бүләк уйнатачак, дип хәбәр итә Спорт һәм социаль проектлар дирекциясе.

Шулай ук укыгыз

Барлык яңалыклар