Казанның эшче яшьләре вәкилләрен «Наше время - Безнең заман» фестиваленә чакыралар

Быел ул 1-нче марттан 16-нчы ноябрьгә кадәр уза һәм Эшче һөнәрләр елына багышлана.

(Казан шәһәре KZN.RU, 13-нче май). Казанның эшче яшьләре вәкилләрен «Наше время - Безнең заман» VII ачык республика телевизион иҗат фестивалендә катнашырга чакыралар. Быел ул 1-нче марттан 16-нчы ноябрьгә кадәр уза һәм Эшче һөнәрләр елына багышлана. Катнашу өчен гаризаны 25-нче сентябрьгә кадәр тапшырырга мөмкин.

Конкурс кысаларында барлыгы дүрт зона туры һәм финал узачак. Казанда дүртенче зона этабы үтәчәк, ул 26-27 октябрьдә булыр дип көтелә. Чараның икенче көнендә Ленин исемендәге мәдәни-ял итү комплексында гала-концерт узачак.

Финал 13-14 ноябрьдә Идел буе дәүләт физик культура, спорт һәм туризм академиясенең концертлар залында үтәчәк. Монда жюри рәисеннән һәм генераль продюсердан махсус чакыру алган зона турларында җиңүчеләр узачак. Соңрак, 16-нчы ноябрьдә «Пирамида» мәдәни-күңел ачу комплексында зур гала-концерт оештырыла.

Шулай ук укыгыз

Барлык яңалыклар