Казан оешмалары вәкилләрен Россия-Вьетнам бизнес-форумына чакыралар

Казан оешмалары вәкилләрен Россия-Вьетнам бизнес-форумына чакыралар

<p> (Казан шәһәре KZN.RU, 4-нче декабрь). Казан оешмалары вәкилләрен "Expo-Russia Vietnam 2019" Россия-Вьетнам төбәкара бизнес-форумында һәм сәнәгать күргәзмәсендә катнашырга чакыралар. Чара Ханой шәһәренең халыкара күргәзмә үзәгендә узачак.<br> </p> <p> Форум программасында Вьетнам Социалистик Республикасы министрлыкларында түгәрәк өстәлләр һәм Вьетнам Хөкүмәте әгъзалары катнашында "Вьетнам һәм ЕАЭС арасында ирекле сәүдә зонасын булдыру нәтиҗәсендә барлыкка килгән преференцияләр куллану турында" халыкара конференция планлаштырылган. </p> <p> "Expo-Russia Vietnam 2019" күргәзмәсендә катнашучылар шәһәрләр экспозицияләрен тәкъдим итәчәкләр, шулай ук форумның пленар утырышларында катнашачаклар, аларда цифрлы икътисадны үстерү перспективалары, шулай ук Россия һәм Азия-Тын океан регионы илләренең уртак энергетика проектлары турында фикер алышачаклар. </p> <p> Сүз уңаеннан, 2019 ел РФ Президентының 2018 елның 3 октябрендәге 282-рп номерлы күрсәтмәсе нигезендә Вьетнамда Россия елы һәм Россиядә Вьетнам елы дип игълан ителде. </p> <p> Форум Вьетнам башкаласында киләсе елның 19-21 декабрендә узачак, дип хәбәр итә оештыручылар. </p>

2018-12-04T10:40:08+0300