«Ак Барс Арена» янында бәйрәм концерты: Олег Газманов, рэпер Мот һәм Uma2rman төркеме кайчан чыгыш ясаячак

Төп сәхнәдә программа 14:00 сәгатьтә башланачак.

Фото: Марат Мугинов

(Казан шәһәре KZN.RU, 19-нчы сентябрь). Бүген, РФ Федераль Җыены Дәүләт Думасына депутатлар сайлауның йомгаклау көнендә Казанда зур бәйрәм концерты узачак. «Ак Барс Арена» территориясендә күңел ачу программасы инде 14:00 сәгатьтә старт алачак.

Төп сәхнәдә концерт узачак, анда теләгән һәркем яраткан башкаручыларының популяр музыкасын һәм хитларын тыңлый алачак. Шулай итеп, 14:00 сәгатьтә бәйрәмне Ilgiz һәм Yummy music band ачачак, алар артыннан 14:30 сәгатьтә Gauga төркеме чыгыш ясаячак, 15:00 сәгатьтән 15:20 сәгатькә кадәр сәхнәгә Марина Карпова, Айрат Ганиев һәм Наилә Шагина, Гөлназ Баталова, Илгиз Мөхетдинов, «Зәкәрия» һәм Илназ Гарипов чыгачак. Соңыннан, 15:36 сәгатьтә, үз чыгышын ВИА «Федор Шукшин» башлаячак. 16:10 сәгатьтә аны Гүзәл Уразова алыштырачак, 16:40 сәгатьтә Фирдүс Тямаевның чыгышы, 17:15 сәгатьтә – Артур Исламов һәм 17:50 сәгатьтә Анастасия Макарова чыгышы планлаштырылган.

18:00 сәгатьтә сәхнәгә беренче хедлайнер Filatov & Karas төркеме чыгачак, аннары 19:00 сәгатьтә рэпер Мот чыгыш ясаячак, 19:40 сәгатьтә– татар җырчысы Салават, 20:10 сәгатьтә – Uma2rman төркеме. 21:10 сәгатьтә үзенең чыгышын Олег Газманов башлап җибәрәчәк, аларның җырлары белән зур бәйрәм концерты тәмамланачак.

Оештыручылар артистларның чыгыш ясау вакыты бераз үзгәрергә мөмкин, дип кисәтә.

Концертка «Я проголосовал!/Мин тавыш бирдем!». дигән махсус беләзек ияләре генә үтә алачак.

Исегезгә төшерәбез, стадион янында яшьләр өчен тематик мәйданчыклар, спорт зоналары, шулай ук «Жизнелюб» һәм «Әдәби дворик» проектлары мәйданчыклары эшләячәк.

Шулай ук укыгыз

Барлык яңалыклар