Йога күнекмәләре һәм k-pop биюләр: Казанның берничә яшүсмерләр клубында төрле чаралар уза

Йога күнекмәләре һәм k-pop биюләр: Казанның берничә яшүсмерләр клубында төрле чаралар уза

<p> Бу атнада шәһәрнең берничә яшьләр клубында төрле чаралар оештырыла. Яшьләр өчен авиатехниканы модельләштерү, актерлык осталыгы буенча мастер-класслар, йога күнекмәләре һәм k-pop биюләр буенча мастер-класслар тәкъдим ителә. </p> <p> Чәршәмбе көнне, ягъни 17 сентябрьдә Казан яшьләре «Союз» клубына килеп, йога һәм медитация күнекмәләренә кушыла ала. Чара сәгать 17:00 дә Мотор урамы, 31а адресы буенча урнашкан клубта оештырыла. Теләге булган һәр кешене әлеге чарада көтәләр. </p> <p> Алдагы көнне, ягъни 18 сентябрьдә яшь казанлыларны берьюлы берничә кызыклы чарага чакыралар. «Старт» яшүсмерләр клубында (Побежимов урамы, 53) көндезге сәгать 13:00 дә сәламәтлекләре чикле балалар өчен сынлы сәнгать буенча «Көзге пейзаж» дип аталган инклюзив мастер-класс оештырыла. Шул ук көнне Азия поп-мәдәниятен яратучылар өчен «Юни» клубында (Горький шоссесы, 43/1) k-pop биюләр буенча мастер-класс уздырачаклар. Чара сәгать 16:00 дә башлана. </p> <p> Пәнҗешәмбе көнне, ягъни 18 сентябрьдә «Лада» яшүсмерләр клубында аквагрим ясау буенча мастер-класс оештырыла. Балаларны сәгать 16:30 да Гаврилов урамы, 22 адресы буенча көтәләр. Шул ук көнне кич белән сәгать 18:00 дә «Зенит» клубында (Карбышев урамы, 33) авиатехниканы модельләштерү буенча мастер-класс узачак, дип хәбәр итә «Яшүсмер» муниципаль бюджет учреждениесе. </p> <p> Механика, электроника һәм программалаштыру белән мавыгучы егетләрне робот техникасы буенча ачык турнирда катнашырга чакыралар. Робот ярышлары «Арлекино» клубында (Ямашев урамы, 94) сәгать 17:00 дә уза. Бераз соңрак, сәгать 18:00 дә «Идея Микс» клубында «Мафия» уены оештырыла. Уенда катнашу өчен +7(937)288-82-32 телефон номеры буенча теркәлергә кирәк. </p> <p>  19 сентябрьдә «Арена» яшүсмерләр клубында яшь актерлар өчен театр сәнгате буенча мастер-класс үтәчәк. Дәрес сәгать 19:00 дә Симонов урамы, 6 нчы йорт адресы буенча оештырыла. Җомга киче «Лимонад» клубында (Латыш укчылары урамы, 25) интеллектуаль мастер-класс белән тәмамланачак. Шахмат уйнау күнекмәләрен арттырырга теләүчеләрнең барысын да сәгать 19:00 гә чакыралар. </p> <p> Чараларга рәхим итегез! </p>

2025-09-15T16:04:04+0300