«Тирә-ягыгызга карагыз»: Казансу ярында Россия Банкының тәңкәләр фотокүргәзмәсе ачылды

Экспозиция илнең архитектура һәйкәлләренә багышланган

Казансу ярында Россия Банкының илнең архитектур һәйкәлләренә багышланган фотокүргәзмәсе ачылды. Анда борынгы йортлар, меңьеллык ныгытмалар, король күпере, утрау-әкият һәм башка танылган объектлар сурәтләре төшерелгән тәңкәләр сурәтләнгән.

Мәсәлән, 2006 елның өч сум номиналлы монетасында Түбән Новгородтагы Дәүләт банкы бинасын күрергә була, ул борынгы бояр палаталарын хәтерләтә. Фасад Урал ташы белән бизәлгән. Романовлар династиясе хакимлегенең 300 еллыгына 1913 елда төзелгән Ансамбль уникаль интерьерлар һәм матур бизәкләр белән билгеле. Бүген бина федераль һәм төбәк әһәмиятендәге архитектура һәйкәле булып тора.

«Томск челтәрләре» стенды тамашачыларны Томскта бүрәнә йортлар төзелеше белән таныштырачак, ул ХХ гасыр башына архитектура ярышына әверелде – һәр таза хәлле шәһәр кешесе кабатланмас йөзле йорт турында хыяллана. Биналарның фасадлары бизәкле, гаҗәп манаралар һәм әкияти хайваннарның фигуралары белән бизәлгән. Томскның йөзләгән агач корылмалары мәдәни кыйммәткә ия.

Шулай ук күргәзмә киштәләрендә килограммлы алтын тәңкә сурәтләнгән, анда Казан Кремле һәйкәлләрен күрергә була: «Кол Шәриф» мәчете, Благовещение соборы, Губернатор сарае һәм Сөембикә манарасы. Акча номинациясе – 10 мең сум, чыгару елы – 2005.

Күргәзмә 18 сентябрьгә кадәр «УРАМ» экстрим-паркында дәвам итәчәк, дип хәбәр иттеләр ТР буенча Милли банк матбугат хезмәтендә.

Шулай ук укыгыз

Барлык яңалыклар