«Эрмитаж Казан» күргәзмәсенә килүчеләр уникаль парфюм ота ала

Моның өчен 6 нчы, 7 нче яки 8 нче март көннәрендә тематик экскурсиягә барырга кирәк.

Фото: «Эрмитаж Казан» үзәге

(Казан шәһәре KZN.RU, 5 нче март, Дмитрий Никитин). 6-8 нче март көннәрендә «Эрмитаж Казан» үзәгендә «Фламанд сәнгатенең алтын гасыры» күргәзмәсе кысаларында «Фламанд рәссамнарының сәнгатьтә һәм тормышта хатын-кызлар» дигән тематик экскурсияләре узачак. Һәр экскурсия ахырында рәсем сәнгате әсәрләренә ясалган хушбуйларның берсе уйнатылачак.

«Һәр парфюм уникаль һәм әлеге күргәзмә өчен чикләнгән күләмдә ясалган», - дип ассызыклады «Эрмитаж Казан» үзәгенең әйдәп баручы белгече Алинә Маркова.

Экскурсияләр 11:00 һәм 14:00 сәгатьтә башлана.

Махсус әзерләнгән тактиль станцияләр экспозициянең үзенчәлеге булып тора, алар начар күрүче кешеләргә картинаның барлык детальләрен дә күрергә ярдәм итәчәк. Барлыгы дүрт станция. Алар картинаны Брайль шрифты белән тасвирлаудан, картинаның кечерәйтелгән күчермәсеннән, картинаның тукымадагы аерым предметларыннан (кувшиннар, каурыйлар, тәлинкәләр һ.б.), шулай ук картинаның атмосферасын тоярга ярдәм итә торган махсус хуш истән торалар.

Моннан тыш, 6 нчы һәм 7 нче март көннәрендә 13:00 сәгатьтә күргәзмә кунакларын гаилә уен программасы көтә, анда катнашучылар XVII гасырга, бөек рәссамнар һәм осталар иленә сәяхәт кыла алачак.

Шулай ук 6-8 нче март көннәрендә 15:00 сәгатьтә җыелма төркем өчен күргәзмә буенча экскурсия узачак.

Барлык программаларга да алдан язылырга кирәк. Тулырак мәгълүматны түбәндәге телефоннар буенча белергә мөмкин: +7(843) 567-80-32, +7(843) 567-80-34.

Шулай ук укыгыз

Барлык яңалыклар