Казан «Штаб»ына килүчеләр үзләрен космонавтлар итеп хис итәчәкләр

12-нче апрельдә креатив индустрияләр резиденциясе кунакларын күңел ачу һәм белем бирү программалары көтә.

(Казан шәһәре KZN.RU, 9-нчы апрель). 12-нче апрель көнне космонавтика көнендә Казанның «Штаб» креатив индустрияләр резиденциясендә #МыУлетим бәйрәм чарасы узачак. Килүчеләрне күңел ачу һәм белем бирү программалары көтә.

Кичәнең кунаклары мобиль планетарийда булу, интерактив тамашада катнашу, игротектагы космик аппаратта очу, шулай ук фотозонада истәлекле фотосурәтләр ясау мөмкинлегенә ия булачак, дип хәбәр итә «Штаб» матбугат хезмәте. Шунда ук космосны үзләштерү, галәм төзелеше темасына лекцияләр узачак.

Бәйрәм программасы 18.00 сәгатьтә башлана, алдан теркәлү буенча керү ирекле

Шулай ук укыгыз

Барлык яңалыклар