54 мең татарстанлы ЮХИДИ штрафлары карарларын электрон рәвештә кабул итә

Түләүсез хезмәт республика халкы өчен ТР дәүләт хезмәтләре порталында узган елның августыннан башлап күрсәтелә.

(Казан шәһәре KZN.RU, 21-нче май). 54 мең татарстанлы ЮХИДИ штрафлары турындагы карарларга электрон форматта язылган. Түләүсез хезмәт республика халкы өчен ТР дәүләт хезмәтләре порталында узган елның августыннан башлап күрсәтелә.

Программа тиз арада, тоткарлыксыз, юл хәрәкәте кагыйдәләрен бозган өчен булган штрафлар турында хәбәр алырга мөмкинлек бирә. Карарлар электрон почтага хәбәр, шулай ук «ТР Дәүләт хезмәте» мобиль кушымтасында push-хәбәрнамәләр рәвешендә килә.

Сервис ярдәмендә татарстанлылар карар күчермәләрен алу өчен почта бүлекчәләренә баруга вакыт әрәм итмиләр, хокук бозу турында тулы мәгълүмат алалар һәм ташламалы чорда штраф түләү мөмкинлегеннән файдаланалар (салынган штрафның яртысын түләү).

Хәзерге вакытта ЮХИДИ штрафлары турында онлайн-хәбәрнамә хезмәтенә республиканың 53 мең 975 кешесе тоташтырылган. Шул ук вакытта ел башыннан 17 мең 277 татарстанлы сервисның яңа кулланучылары булуга ирешкән.

Мондый язылуны ТР дәүләт хезмәтләре порталында шәхси кабинет аша рәсмиләштерергә мөмкин. Шунда ук тулы инструкция һәм сервис мөмкинлекләре турында тулы мәгълүмат бастырылган, дип хәбәр итә ТР Дәүләт идарәсенең, мәгълүмат технологияләренең һәм элемтәсенең цифрлы үсеш министрлыгы матбугат хезмәте.

Шулай ук укыгыз

Барлык яңалыклар