Казанда акробатик рок-н-ролл һәм буги-вуги ярышларында 2 меңләп спортчы чыгыш ясаячак

Турнирлар 25-27 нче март көннәрендә Бокс һәм өстәл теннисы үзәгендә узачак.

Фото: Казан шәһәре KZN.RU

(Казан шәһәре KZN.RU, 23 нче март). 25-27 нче март көннәрендә Казанның Бокс һәм өстәл теннисы үзәгендә акробатик рок-н-ролл һәм буги-вуги ярышлары узачак. Татарстан башкаласына Россиянең 26 шәһәреннән якынча 2 мең спортчы киләчәк, анда 73 клуб катнашачак. Татарстан данын ярышларда Казанның алты клубыннан 75 спортчы яклаячак.

25 нче мартта ярышлар программасы Бию спорты һәм акробатик рок-н-ролл федерациясе кубогы этабыннан старт ала. Беренче булып 6 һәм өлкәнрәк яшьтәге спортчылар чыгыш ясаячак. Алга таба буги-вуги этабы узачак, анда массакүләм дисциплиналар тәкъдим ителәчәк. Акробатик рок-н-ролл буенча бөтенроссия ярышлары беренче ярыш көнен төгәлләячәк, спортчылар буги-вуги дисциплиналарында чыгыш ясаячак.

Шимбә көнне, 26 нчы мартта, бөтенроссия ярышлары кысаларында 7 дисциплинада медальләр уйнатылачак. «М класс-микст», «Формейшн-микст» һәм «А класс-микст» кебек дисциплиналарда илнең иң көчле спортчылары, гамәлдәге дөнья һәм Европа чемпионнары чыгыш ясаячак, дип хәбәр итә ТР Спорт министрлыгы матбугат хезмәте.

Ярышларның соңгы көнендә, 27 нче мартта, 5 дисциплинада иң көчле спортчылар чыгыш ясаячак.

Шулай ук укыгыз

Барлык яңалыклар