KZN.RU порталы «Муниципаль берәмлекнең иң яхшы сайты» номинациясендә билгеләп үтелде

Казан Башкарма комитетыннан 5 номинациягә 9 заявка бирелгән, шуларның 3-се призлы урын яулаган.

(Казан шәһәре KZN.RU, 11-нче апрель). KZN.RU порталы җирле үзидарә темасын иң яхшы яктырту буенча республика журналистлар конкурсында Рәхмәт хаты белән билгеләп үтелде. «Муниципаль берәмлекнең иң яхшы сайты» номинациясе бүләген ТР Дәүләт Советында тапшырдылар.

Исегезгә төшерәбез, массакүләм мәгълүмат чаралары арасында уздырылган конкурс «Муниципаль идарә өлкәсендә иң яхшы хезмәткәр-2019» һөнәри ярышы кысаларында узды. Конкурста барлыгы 9 номинация тәкъдим ителде, аларда бөтен Татарстаннан 200-дән артык муниципаль хезмәткәр катнашты. Казан Башкарма комитетыннан 5 номинациягә 9 заявка бирелгән, шуларның 3-се призлы урыннар яулаган.

«Җирле үзидарә органнары эшчәнлеген оештыру ягыннан кадрлар белән тәэмин итү» номинациясендә Казан Башкарма комитетының кадрлар сәясәте идарәсе башлыгы Гөлнара Мусина җиңде, «Җирле үзидарә органнары эшчәнлеген хокукый тәэмин итү» номинациясендә Контроль һәм коррупциягә каршы эш идарәсе башлыгы Елена Тощева беренче урынны алды. «Социаль үсеш» номинациясендә беренчелекне Казан Башкарма комитетының Мәдәният идарәсе башлыгы урынбасары Эмиль Мостафин яулады.

Шулай ук укыгыз

Барлык яңалыклар