Полиция җанатарларга «Казан Арена»га футбол матчына алдан килергә тәкъдим итә

«Рубин» үз кырында «Уфа»ны кабул итәчәк.

(Казан шәһәре KZN.RU, 24-нче апрель). Бүген 19.30 сәгатьтә «Казан Арена» стадионында премьер-лига командалары арасында Россия чемпионатының 25-нче туры матчы башлана - «Рубин» үз кырында «Уфа»ны кабул итәчәк. Казан полициясе җанатарларга футбол матчына алдан килергә тәкъдим итә, чөнки уен алдыннан гадәттәгечә тикшерү процедурасы оештырылачак.

Матч вакытында җәмәгать тәртибен 200-гә якын полиция хезмәткәре, Росгвардиянең 110 хезмәткәре, 275 контролер-тикшерүче һәм 44 шәхси сак предприятиесе хезмәткәре тәэмин итәчәк, дип хәбәр итә Россия Эчке эшләр министрлыгының Казан шәһәре буенча идарәсе матбугат хезмәте.

Шулай ук укыгыз

Барлык яңалыклар