Салават Күпере торак районы поликлиникасы 87 процентка әзер

Салават Күпере торак районы поликлиникасы 87 процентка әзер

Салават Күпере торак районында күп юнәлешле поликлиника төзелеше 87% ка башкарылган. Белгечләр монолит һәм бизәү эшләре башкарганнар, түбә һәм тәрәзәләрне урнаштырганнар.<br> <br> Хәзер төзүчеләр инженерлык челтәрләре (электр яктырту, суүткәргеч, эчке канализация, җылыту, җилләткеч, аз агымлы челтәрләр) салалар, түшәм ясыйлар һәм территорияне төзекләндерәләр.<br> <br> Поликлиника 60 мең кешегә, шул исәптән күрше районнарда яшәүчеләргә хезмәт күрсәтәчәк. Сменасына 750 кешегә исәпләнгән яңа медицина учреждениесе составында балалар һәм өлкәннәр поликлиникалары, хатын-кызлар консультациясе, травматология пункты һәм ашыгыч медицина ярдәме станциясе филиалы эшләячәк.<br> <br> 12 мең кв.м мәйданлы медицина учреждениесен «Сәламәтлек саклау» милли проекты буенча төзиләр, дип хәбәр иттеләр ТР Төзелеш, архитектура һәм ТКХ министрлыгы матбугат хезмәтендә. Моннан алдан эш барышын шәһәр мэры Илсур Метшин <a target="_blank" href="https://kzn.ru/meriya/press-tsentr/novosti/ilsur-metshin-my-vozvodim-odno-iz-samykh-bolshikh-meditsinskikh-uchrezhdeniy-ne-tolko-v-kazani-no-i/?lang=ta">тикшергән иде</a>.<br>

2024-09-12T15:19:00+0300