Казанның 11 нче шәһәр хастаханәсе поликлиникасы өч яңа диагностика аппараты алды

Җиһазлар «Беренчел звеноны модернизацияләү» программасы буенча «Сәламәтлек саклау» илкүләм проекты буенча сатып алынган

Фото: Казанның Сәламәтлек саклау идарәсе

(Казан шәһәре KZN.RU, 20 нче октябрь). Казанның 11 нче шәһәр хастаханәсе поликлиникасында өч заманча диагностика аппараты барлыкка килде. Яңа җиһаз табибларга төрле авыруларны беренче этапта ачыкларга һәм шунда ук пациентларны дәвалауга керешергә мөмкинлек бирәчәк. Бу хакта Казанның Сәламәтлек саклау идарәсе хәбәр итә.

Мәсәлән, поликлиникага үпкә флюорографиясе өчен цифрлы рентген аппараты кайткан, ул яман шеш яки туберкулезны иртә стадиядә ачыклый. Җиһазларга ихтыяҗ зур булган, чөнки авыру симптомнары күренми, ә авыруны диагностикалау авыр.

Шулай ук 11 нче номерлы шәһәр хастаханәсенә цифрлы рентген Р-500 маммографы «Маммоскрин» алып кайтканнар.

Үпкәләрне, сөякләрне, йомшак тукымаларны, эчке органнарны тикшерү, шулай ук алган җәрәхәтләрнең нәтиҗәләрен ачыклау һәм бәяләү өчен поликлиникада «Ренекс – РЦ» цифрлы диагностик рентген комплексы барлыкка килгән.

Җиһазлар РФ Президенты инициативасы белән «Беренчел звеноны модернизацияләү» программасы буенча «Сәламәтлек саклау» илкүләм проекты ярдәмендә сатып алынган.

Элегрәк KZN.RU Казанның 7 нче поликлиникасы яңа УЗИ аппаратлары һәм флюорограф алган дип хәбәр итте.

Шулай ук укыгыз

Барлык яңалыклар