27 апрельдән Казан – Паратск – Казан юнәлешендәге поездлар җәдвәленә үзгәрешләр керәчәк

Яңа график буенча алар 12-нче июньгә кадәр хәрәкәт итәчәк.

(Казан шәһәре KZN.RU, 23-нче апрель). 27-нче апрельдән 12-нче июньгә кадәр Казан–Паратск һәм Паратск-Казан юнәлешендәге шәһәр яны поездларының җәдвәлләре үзгәрәчәк. Бу тимер юллардагы ремонт-юл эшләре белән бәйле.

6321-нче номерлы Казан–Паратск поезды Казан станциясеннән 06.09 сәгатьтә кузгалачак, Паратск станциясенә килү 07.22 сәгатькә планлаштырыла.

6324-нче номерлы Паратск–Казан шәһәр яны поезды Паратск станциясеннән 07.37 сәгатьтә китә, Казан станциясенә 8.50 сәгатьтә килә. Шәһәр яны поездлары хәрәкәте графигындагы үзгәрешләр аларның йөреше буенча барлык тукталыш пунктларына да кагылачак.

Шәһәр яны поездлары җәдвәлендәге үзгәрешләр белән вокзалларда һәм тукталыш пунктларында тәүлек буе 8-93-625-04-33 телефоны буенча, сайтта, шулай ук «Шәһәр яны» мобиль кушымтасында танышырга мөмкин, дип искәртә «Содружество» акционерлык җәмгыяте матбугат хезмәте.

Шулай ук укыгыз

Барлык яңалыклар