Яшүсмерләр һәм аларның әти-әниләре «Төнге Казан» йөгерешенә бушлай кушыла ала

5 км дистанцияне узганнан соң катнашучылар бүләкләр һәм медальләр алачак

Фото: Денис Гордийко

(Казан шәһәре KZN.RU, 3 нче июль). Татарстанда «Гаилә командасы» спорт проекты старт ала. Ул ярышлар сериясен үз эченә ала, аларның берсе Казанда узачак. 6-17 яшьлек балалар әти-әниләре белән катнаша ала.

Республика башкаласында гаилә стартлары 15 нче июльдә «Төнге Казан» йөгерешендә оештырыла. Спортчыларга 5 км дистанцияне үтәргә туры киләчәк, шуннан соң алар бүләкләр һәм медальләр алачак. Ярышлар 22:45 сәгатьтә «УРАМ» экстрим-паркында башлана. Ата-аналар ярышларда балалары белән бергә катнашырга тиеш, дип хәбәр итә «Алдынгылар хәрәкәте»нең Татарстан бүлекчәсе матбугат хезмәте.

Марафонда катнашу өчен теркәлергә кирәк. Старт пакеты турында мәгълүматны чараның координаторы хәбәр итәчәк. Барлык катнашучыларга да ярышка паспорт яки туу турындагы таныклык, йөгерү буенча ярышларга керергә яравы турында медицина белешмәсе, ата-ананың катнашуга ризалыгы яки аның үзенең булуы кирәк.

Исегезгә төшерәбез, «Төнге Казан» йөгерешенә әзерлек һәм аны уздыру көннәрендә Татарстан башкаласында берничә участокта транспорт хәрәкәте чикләнәчәк. Тиешле карар шәһәр Башкарма комитетында имзаланды.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар