Казанның почта бүлекләре вакытлыча эш графигын үзгәртәчәк

Казанның почта бүлекләре вакытлыча эш графигын үзгәртәчәк

<p> </p> <div class="detail-picture"> <img src="https://kzn.ru/upload/iblock/068/DSC_3001-870.jpg"> <p class="detail-picture__caption"> Фото: Денис Гордийко </p> </div> (Казан шәһәре KZN.RU, 28 нче декабрь). Татарстан почта бүлекләре вакытлыча эш графигын үзгәртәчәк. Бу киләсе Яңа ел һәм Раштуа бәйрәме белән бәйле. <p> </p> <p> 31 нче декабрьдә республиканың барлык почта бүлекчәләренең эш көне бер сәгатькә кыскарачак, ә 1 нче, 2 нче һәм 7 нче гыйнвар ял көннәре булачак. Шулай ук бу көннәрдә хат ташучылар почта посылкаларын һәм матбугатын таратмаячак. Пенсияләрне һәм пособиеләрне алар ТР Пенсия фонды белән килештерелгән график буенча илтәчәкләр. </p> <p> 3-6 нчы гыйнварда, шулай ук 8 нче һәм 9 нчы гыйнварда барлык почта бүлекләре гадәти график буенча эшләячәк, дип хәбәр итә «Татарстан почтасы» федераль почта элемтәсе идарәсе матбугат хезмәте. </p> <p> Кайбер авыл һәм шәһәр почта бүлекләре махсус график буенча эшли ала. «Россия почтасы» мобиль кушымтасында һәм компания <a target="_blank" href="https://www.pochta.ru/">сайтында</a> эш режимын ачыкларга яки картада якындагы ачык почта бүлеген табарга мөмкин. </p>

2022-12-28T14:35:00+0300