Казанның урам артистлары 6,5 меңгә якын чыгышын «Art-проспект» платформасында килештерде

Бүгенге көндә хезмәтне 404 музыкант, рәссам һәм актер куллана.

Фото: Денис Гордийко

(Казан шәһәре KZN.RU, 2 нче сентябрь, Юлия Летникова). «Art-проспект» онлайн-платформасы эшли башлаганнан бирле өч ай ярым эчендә Казанның урам артистлары шәһәр мәйданчыкларында 6465 чыгыш ясадылар. Хәзерге вакытта сервиста барлыгы 404 музыкант, рәссам һәм актер теркәлде, алар атна саен 430 тапкыр бронь ясыйлар.

Артистлар күбрәк ял көннәрендә – шимбә һәм якшәмбе чыгыш ясый, ә Бауман урамы һәм Горький исемендәге парк иң яраткан иҗат урыны булып тора, дип хәбәр иттеләр шәһәр Башкарма комитетының Парклар һәм скверлар дирекциясендә.

Исегезгә төшерәбез, «Art-проспект» цифрлы платформасы штат режимында 17 нче майда эшли башлады. Ул коммерция компоненты булмаган иҗат белән шөгыльләнүче артистлар өчен ясалган. Аның ярдәмендә Казан халкы һәм кунаклар үз чыгышларын шәһәрнең 26 мәйданчыгының берсендә броньлый алалар. Чыгышның озынлыгы – 3 сәгать. Чыгыш урынын һәм вакытын броньлау өчен, ЕСИА системасы аша платформада теркәлергә кирәк. Авторизация узганнан соң, артистка шәхси профильне тутырырга, мәйданчык һәм иҗади эшчәнлек өчен вакыт сайларга кирәк булачак. Шунда ук ул чыгыш ясау гаризасын бетерә ала.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар