Казанның җәмәгать транспортында битлексез 500гә якын пассажир ачыкланган

Кичә 18 контроль ноктада күчмә составның 619 берәмлеге тикшерелде.

Фото: Денис Гордийко

(Казан шәһәре KZN.RU, 9-нчы февраль). Кичә Казанның җәмәгать транспортында битлексез 500-гә якын пассажир ачыкланган. Профилактик рейдлар автобусларда, трамвайларда, троллейбусларда һәм метро станцияләрендә узды.

Барлыгы 18 контроль ноктада 619 берәмлек җәмәгать транспорты тикшерелде. Кагыйдә бозучы 470 пассажир кисәтүдән соң шәхси саклану чараларын киде.

Тикшерүне Казан Транспорт комитеты хезмәткәрләре, «Пассажирлар ташуны оештыручы» муниципаль казна учреждениесе контроль-ревизорлык хезмәте, транспорт предприятиеләренең контроль-ревизорлык хезмәтләре уздырды. Профилактик рейдлар дәвам итә, дип хәбәр ителә Казанның транспорт сайтында.

Шулай ук укыгыз

Барлык яңалыклар