Казанның җәмәгать транспортында битлексез 400гә якын пассажир ачыкланган

Казанның җәмәгать транспортында битлексез 400гә якын пассажир ачыкланган

<p> </p> <div class="detail-picture"> <img src="https://kzn.ru/upload/iblock/4cd/DEN_7408.jpg"> <p class="detail-picture__caption"> Фото: Денис Гордийко </p> </div> <p> (Казан шәһәре KZN.RU, 22-нче гыйнвар). Казанның җәмәгать транспортында 400-гә якын битлексез пассажирны ачыклаганнар. 21-нче гыйнварда автобусларда, трамвайларда, троллейбусларда һәм метро станцияләрендә – барлыгы 17 контроль ноктада профилактик рейдлар узды. </p> <p> Шәхси саклану чараларыннан башка 380 пассажирның 377-се кисәтүдән соң битлек киде. 3 пассажир битлекләре булмау сәбәпле җәмәгать транспортын ташлап китте. Барлыгы 469 җәмәгать транспорты тикшерелде. Чагыштыру өчен – бер ай элек, 21-нче декабрьдә, җәмәгать транспортында 429 кагыйдә бозучы пассажир ачыкланган. </p> <p> Тикшерүне Казан Башкарма комитетының Транспорт комитеты, «Пассажирлар ташуны оештыручы» муниципаль казна учреждениесе контроль-ревизорлык хезмәте, транспорт предприятиеләренең контроль-ревизорлык хезмәтләре хезмәткәрләре үткәрде, дип хәбәр ителә Казанның транспорт сайтында. Профилактик рейдлар дәвам итә. </p>

2021-01-22T14:40:29+0300