Казанның җәмәгать транспортында битлексез 400гә якын пассажир ачыкланган

Профилактик рейдлар кичә автобусларда, трамвайларда, троллейбусларда һәм метро станцияләрендә узды.

Фото: Денис Гордийко

(Казан шәһәре KZN.RU, 22-нче гыйнвар). Казанның җәмәгать транспортында 400-гә якын битлексез пассажирны ачыклаганнар. 21-нче гыйнварда автобусларда, трамвайларда, троллейбусларда һәм метро станцияләрендә – барлыгы 17 контроль ноктада профилактик рейдлар узды.

Шәхси саклану чараларыннан башка 380 пассажирның 377-се кисәтүдән соң битлек киде. 3 пассажир битлекләре булмау сәбәпле җәмәгать транспортын ташлап китте. Барлыгы 469 җәмәгать транспорты тикшерелде. Чагыштыру өчен – бер ай элек, 21-нче декабрьдә, җәмәгать транспортында 429 кагыйдә бозучы пассажир ачыкланган.

Тикшерүне Казан Башкарма комитетының Транспорт комитеты, «Пассажирлар ташуны оештыручы» муниципаль казна учреждениесе контроль-ревизорлык хезмәте, транспорт предприятиеләренең контроль-ревизорлык хезмәтләре хезмәткәрләре үткәрде, дип хәбәр ителә Казанның транспорт сайтында. Профилактик рейдлар дәвам итә.

Шулай ук укыгыз

Барлык яңалыклар