Узган тәүлектә Казан урамнарыннан 18 мең тоннага якын кар чыгарылган

Көндез шәһәр урамнарын җыештырырга 383 юл эшчесе һәм 367 берәмлек махсус техника чыгачак.

Фото: Марат Мугинов

(Казан шәһәре KZN.RU, 28-нче гыйнвар). Бүген көндез Казанда урамнарны кардан чистартырга 383 юл эшчесе һәм 367 берәмлек махсус техника, шул исәптән 58 катнаш юл машинасы, 60 трактор щеткасы, 128 самосвал, 59 фронталь төягеч, 35 «Барсик» минитөягече һәм башка техника чыгачак.

Кар чыгару Фатыйх Әмирхан, Бауман, Бондаренко, Васильченко, Гарифьянов, Рихард Зорге, Кленовая, Кожевенная, Краснококшайск, Кол Гали, Гадел Кутуй, Лобачевский, Мәүлүтев, Меридиан, Каюм Насыйри, Островский, Побежимов, Порт, Привокзальная, Сәетгалиев , Седов, Симонов, Соловки юнгалары, Зәйни Солтан, Сыртланова, Техника, Тинчурин, Шамил Усманов , Фукс, Клара Цеткин, Чапаев, Четаев, Чистай, Шоссе, Шуртыгин, Энтузиастлар урамы участокларыннан, шулай ук Мамадыш трактыннан, Ирек мәйданыннан, Ямашев проспектыннан һәм башка участоклардан башкарылачак.

Узган тәүлектә шәһәр урамнарыннан 17,9 мең тонна кар чыгарылган, шәһәрне җыештыруда 785 махсус техника һәм 460 юл эшчесе катнашкан, дип хәбәр иттеләр Казан башкарма комитетының тышкы төзекләндерү комитетында. Кышкы сезон башыннан шәһәр урамнарыннан 501,7 мең тоннадан артык кар чыгарылган.

Юлларда тәүлек эчендә 120 тонна бозлавыкка каршы материал кулланылган. Сезон башыннан юл хезмәтләре 44,2 мең тоннадан артык бозлавыкка каршы катнашма кулланган.

Шулай ук укыгыз

Барлык яңалыклар