Узган ел шәһәрдә якынча 1,3 мең юл-транспорт һәлакәте булган

1514 кеше төрле дәрәҗәдәге җәрәхәтләр алган

Узган ел Казан территориясендә 1277 юл-транспорт һәлакәте булган, аларда 1514 кеше төрле дәрәҗәдәге җәрәхәтләр алган, аларның өчесе куркынычсызлык каешлары белән эләктерелмәгән. Юл-транспорт һәлакәтендә шулай ук 38 катнашучы һәлак булган.

Куркынычсызлык каешын эләктермәгән машина йөртүчеләр һәм пассажирлар, шулай ук мотошлемсыз мотоцикл яки мопед белән идарә итүче гражданнар РФ КоАП 12.6 маддәсе буенча 1 мең сум күләмендә штрафка тартылачак.

Шәһәрдә «Куркынычсызлык каешы» оператив-профилактик чарасы эшли, ул 19 февральгә кадәр дәвам итәчәк. Максаты – административ хокук бозуларны профилактикалау һәм кисәтү.

Транспорт куркынычсызлыгы үзәкләре статистикасы буенча, каешлар машина йөртүче һәм алгы утыргычтагы пассажир өчен юл-транспорт һәлакәтендә җәрәхәтләр алу ихтималын – 50% ка, ә арткы утыргыч пассажирлары өчен – 25% ка киметә. Автомобильне аударганда куркынычсызлык каешын эләктергән килеш булган кеше биш тапкыр исән калу өметен арттыра, дип хәбәр итә Россия Эчке эшләр министрлыгының Казан буенча идарәсе дәүләт автоинспекциясе матбугат хезмәте.

Шулай ук укыгыз

Барлык яңалыклар