Казанның Караганда урамында транспорт хәрәкәтен бер тәүлеккә чикләячәкләр

Бу җылылык челтәрләре төзү белән бәйле

Казанда Караганда урамында бер тәүлеккә транспорт хәрәкәте чикләнәчәк. Сәбәбе — җылылык челтәрләре төзелеше.

12 апрельдән 13 апрельгә кадәр 16 нчы йорт янында машина йөрү юлын тулысынча ябачаклар, дип хәбәр иттеләр шәһәрнең Тышкы төзекләндерү комитетында.

Исегезгә төшерәбез, ремонт эшләре белән бәйле хәрәкәт чикләүләре турында мәгълүмат махсус бүлектә бастырыла.