Иске Татар бистәсендә экскурсияләрне электрокарларда уздыралар

Казанлылар һәм туристлар Каюм Насыйри урамындагы истәлекле урыннарны йөреп чыгачак.

(Казан шәһәре KZN.RU, 22-нче май, Екатерина Виславская). Казанда Иске Татар бистәсендә яңа төрле күңел ачу чарасы барлыкка килде. Шәһәрнең тарихи районы буенча экскурсияләр электрокарларда уза.

Каюм Насыйри урамында йөрү өчен туристлар һәм шәһәрлеләр 7-11 пассажирга исәпләнгән ике электрокарның берсен сайлый алалар. Экскурсия алып баручысыннан башка сәяхәт 10-15 минут дәвам итәчәк, гид белән – ярты сәгатькә якын. Экскурсиядә катнашучыларга шәһәр тарихы һәм Иске Татар бистәсенең истәлекле урыннары турында сөйлиләр.

Яңа форматта экскурсияләр бер ай элек старт алдылар һәм җәйге туристик сезонга исәпләнгән. Линиядә штат гид эшли, кирәк булганда, Казан экскурсоводлары гильдиясенең гарәп, кытай һәм башка чит телләр белгән әгъзалары җәлеп ителәчәк, дип хәбәр ителә “Тарихи мохит” муниципаль бюджет учреждениесендә. Экскурсияләргә гаризалар (843) 251-32-51 телефоны буенча кабул ителә.

Искәртергә кирәк, җәен Казанда “Kazan music bus” төнге музыкаль автобуста экскурсияләр һәм “City Sightseeing” ике катлы кызыл автобусның яңа маршруты эшлиячәк.

Шулай ук укыгыз

Барлык яңалыклар