Чәршәмбе көннәрендә Казан паркларында инглиз телендә балалар өчен китаплар укыячаклар

Беренче дәрес 3-нче июльдә Горький исемендәге паркта узачак.

(Казан шәһәре KZN.RU, 2-нче июль). 3-нче июльдә Казан паркларында Read&Play проекты старт ала. Җәй ахырына кадәр паркларда бушлай инглиз телендә балалар китапларын уку һәм уеннар узачак, аларга барлык теләүчеләр дә кушыла ала.

Дәресләрдә инглиз теле укытучысы яки инглиз телен йөртүче чыгыш ясаячак. Китап укыганнан соң, катнашучылар аның эчтәлеге турында фикер алышачак, хис-кичерешләр белән уртаклашачак һәм уеннарда уйнаячак.

3-нче июльдә дәрес Горький исемендәге паркта, 10-нчы июльдә «Ак чәчәкләр» бульварында, 17-нче июльдә – «Комсомолец» паркында, 24-нче июльдә – Лядской бакчасында, 31-нче июльдә - Горки-Әмәт урманында узачак. 7-нче августта балалар Урицкий исемендәге паркта очрашачак, ә 14-нче августта проект «Калейдоскоп» паркында дәвам итәчәк. 21-нче августта дәресне «Континент» паркында үткәрү планлаштырыла, ә соңгы очрашу 28-нче августта Фучик урамы буенча урнашкан бульварда узачак. Барлык дәресләр 16.00 сәгатьтә башлана, дип хәбәр итә Парклар һәм скверлар дирекциясе.

Проект һәм дәресләр үткәрү урыны турында тулырак мәгълүматны түбәндәге телефон аша белергә була: +7 (904)676-50-18.

Шулай ук укыгыз

Барлык яңалыклар