Казанның кайбер урамнары буйлап 30 һәм 31 августта транспорт хәрәкәтен чиклиләр

Бу Шәһәр һәм Республика көненә багышланган чаралар уздыруга бәйле

Шәһәр һәм ТР көненә багышланган бәйрәм чаралары уздырылу сәбәпле, Казанның кайбер урамнарында транспорт хәрәкәте чикләнәчәк.

29 августның 21:00 дән 31 августның 5:00 кә кадәр чикләүләр түбәндәге юл участокларында кертеләчәк::

Меңьеллык мәйданында, Ташаяк урамыннан Батурин урамына кадәр;

Сул Болак урамында, Чернышевский урамыннан Меңьеллык мәйданына кадәр;

Уң Болак урамында, Чернышевский урамыннан Меңьеллык мәйданына кадәр;

Ташаяк урамында, Мәскәү урамыннан Уң Болак урамына кадәр;

Профсоюз урамында, Чернышевский урамыннан Бауман урамына кадәр;

Бауман урамы буйлап, Профсоюз урамыннан алып Кремль яр буе урамына кадәр;

Беренче Май мәйданыннан Бауман урамына кадәр төшү юлында;

Цирк белән Үзәк стадион арасында йөрү.

30 августның 7:00 дән 31 августның 18:00 гә кадәр түбәндәге юл участокларында чикләүләр кертеләчәк:

Батурин урамында, Большая Красная урамыннан алып Кремль яр буе урамына кадәр участокта (ике юнәлештә дә);

Меңьеллык мәйданыннан Батурин урамына төшү юлы.

31 августның 23:00 сәгатеннән 1 сентябрьнең 5:00 сәгатенә кадәр Ташаяк урамыннан Батурин урамына кадәрге участокта транспорт хәрәкәте чикләнәчәк.

Шулай ук 22 августның 23:00 сәгатеннән 2 сентябрьнең 23:00 сәгатенә кадәр Үзәк стадион янындагы машина кую урыны, Әсгать Галимҗанов скверы янындагы юл ябылачак.

Шулай ук 30 августта Казансу елгасының су мәйданында кече көймәләр йөри алмаячак.

Исегезгә төшерәбез, Шәһәр һәм Республика Көнендә Казанда җәмәгать транспорты эше 23:30 га кадәр озынайтылачак, ә бәйрәм салютыннан соң 21 маршрутта махсус 44 автобус йөриячәк.

Шулай ук укыгыз

Барлык яңалыклар