Иртәгә Казанның кайбер урамнары буйлап транспорт хәрәкәтен өлешчә чикләячәкләр

Бу футбол буенча Россия чемпионаты матчын әзерләү һәм уздыру белән бәйле

Казанда иртәгә, 30 сентябрьдә, транспорт хәрәкәтен өлешчә чикләячәкләр. Бу «Рубин» (Казан) һәм «Зенит» (Санкт-Петербург) командалары арасында футбол буенча Россия чемпионаты матчын әзерләү һәм уздыру белән бәйле.

Чикләүләр 14:00 тән 22:00 гә кадәр түбәндәге участокларда кертеләчәк:

Чистай урамында, А.Бичурин урамыннан Ямашев проспектына кадәр (А.Бичурин урамыннан, Ф.Әмирхан урамындагы төшү юлыннан тыш, С.Хәким урамы юнәлешендә);

С.Хәким урамы буенча, Ф.Әмирхан урамыннан Чистай урамына кадәр (ике юнәлештә дә);

Ямашев проспектында, Адоратский урамыннан Себер трактына кадәр (ике юнәлештә дә);

Академик Арбузов урамы буенча, Журналистлар урамыннан Ямашев проспектына кадәр (Журналистлар урамыннан хәрәкәт иткәндә);

Чистай урамында, Ямашев проспектыннан Адоратский урамына кадәр (Ямашев проспектыннан барганда);

Маршал Чуйков урамыннан Чистай урамына кадәр Гаврилов урамының ярдәмче юлы буенча.

Шулай ук укыгыз

Барлык яңалыклар