Яңа милли проект буенча шәһәрдә 12 юл кишәрлеге капиталь ремонтланачак

Эшләр яз көне башлана

Казанда быел яңа «Яшәү өчен инфраструктура» милли проекты буенча 12 юл кишәрлеге ремонтланачак. Эшләр яз көне, һава температурасы биш градустан да түбән төшмәгәндә башланачак.

Авиатөзелеш һәм Яңа Савин районнарында ремонт Сахалин, Воровский (Фатыйх Әмирхан урамыннан Адоратский урамына кадәр), Октябрь (Гагарин урамыннан Восстание урамына кадәр) һәм Ямашев проспектында җәелдереләчәк.

Вахитов һәм Идел буе районнарында эшләр Әмирхан Еники, Галиәсгар Камал урамнарында (Нариманов урамыннан Татарстан урамына кадәр), Товарищеская, Курашов (Айвазовский урамыннан Волков урамына кадәр) узачак.

Киров һәм Мәскәү районнарында проект Декабристлар (Воровский урамыннан Восстание урамына кадәр), Рәхимов (Васильченко урамыннан Ютазы урамына кадәр) урамнарында гамәлгә ашырыла.

Совет районында юлларны Адель Кутуй (Гвардейская урамыннан алып Камалиев урамына кадәр), Журналистлар урамнарында (Арбузов урамыннан алып Халитов урамына кадәр) яңартачаклар, дип хәбәр итә Казанның тышкы төзекләндерү комитеты.

Кишәрлекләр халыктан иң күп шикаятьләр буенча сайланган, шул исәптән «Халык контроле» системасында мөрәҗәгатьләр исәпкә алынган. Юл өлешләренең, тротуарларның асфальт-бетон өслекләре ремонтланачак. Шулай ук куркынычсызлык киртәләре, юл билгеләре, тышкы яктырту челтәрләре һәм светофорлар урнаштырачаклар.

Элегрәк Казанда «Куркынычсыз сыйфатлы юллар» илкүләм проекты уңышлы гамәлгә ашырылган иде. Эшләр алты ел дәвамында алып барылды. Узган ел гына да ТР башкаласында 6,3 км озынлыктагы тугыз кишәрлекне ремонтладылар (шул исәптән Гаврилов, Копылов, Шмидт һәм Химиклар урамнарында).

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар