Казанның балалар тимер юлы буйлап җәй көне 36 меңнән артык пассажир йөргән

Сентябрьдән яңа уку елында тимер юлда эшләүче һөнәрләренә укыту өчен укучылар җыю башланды

Казанда балалар тимер юлы җәйге сезонда 36 меңнән артык пассажир ташыган, бу узган ел белән чагыштырганда 35% ка күбрәк.

Җәй буена 600 дән артык яшь тимер юлда эшләүче поезд практикасы узган, алар арасында – Кизнер, Ижевск, Канаш, Алатырь, Яшел Үзән линия станцияләреннән 88 бала. Дәресләр барышында алар машинист, поезд начальнигы, проводник, контролер-ревизор һәм башка тимер юл һөнәрләрен башкардылар.

49 кеше чыгарылыш сыйныф укучысы булды, шуларның 31 е һөнәри белемнәрен дәвам итте һәм Казан тимер юл транспорты техникумына укырга керде.

Сентябрьдән Казанның балалар тимер юлында «Яшь тимер юлчы» һөнәри юнәлеш бирү программасы буенча укучылар җыю башланды. Уку түләүсез, дәресләргә 5-11 сыйныф укучылары чакырыла, дип хәбәр итә Горький тимер юлының Казан төбәге – «РТЮ» ААҖ филиалы матбугат хезмәте.

Очрашулар шимбә көннәрендә Алтынов урамы, 4а адресы буенча уза. Тулырак мәгълүматны +7(843)294-23-15, +7(843)294-23-07 телефоннары аша белергә мөмкин.

Шулай ук укыгыз

Барлык яңалыклар