Казан йөзүчеләре «Россия резервы» ярышларында алтын һәм бронза медаль яулады

Казан йөзүчеләре «Россия резервы» ярышларында алтын һәм бронза медаль яулады

<p> </p> <div class="detail-picture"> <img src="https://kzn.ru/upload/iblock/bd8/kkSEKDf912A-870.jpg"> <p class="detail-picture__caption"> Фото: Бөтенроссия йөзү федерациясе </p> </div> <p> </p> <p> (Казан шәһәре KZN.RU, 30 нчы ноябрь). Казан йөзүчеләре «Россия резервы» бөтенроссия ярышларында җиңүчеләр һәм призерлар булды. Ярышлар Саранскида 27 нче ноябрьдән 1 нче декабрьгә кадәр уза. Барлыгы 42 комплект медаль уйнатылачак. </p> <p> Казан спортчысы Гадел Масагутов ирекле стильдә 400 метрга йөзүдә өченче булды. Софья Дьякова ике алтын медаль яулады: ул 200 һәм 400 метрга ирекле стиль белән башкаларга караганда тизрәк йөзде. Баттерфляй дисциплинасында 200 метрга Анастасия Колпакова алтын медаль алды. Аның нәтиҗәсе – 2 минут 7,84 секунд – Татарстан кызлары арасында яңа рекорд. Шулай ук Анастасия ярышларның өченче көнендә, 100 метрны баттерфляй белән йөзеп, бронза призер булды, дип хәбәр итә Бөтенроссия йөзү федерациясе матбугат хезмәте. </p> <p> ТР башкаласында Софья Дьякова – йөзү буенча «Дельта» олимпия резервы спорт мәктәбендә, ә Анастасия Колпакова һәм Гадел Масагутов Су спорт төрләре буенча «Акватика» республика олимпия резервы спорт мәктәбендә шөгыльләнә. </p>

2022-11-30T11:38:00+0300