«Буран» планы ТР башкаласында 22 нче гыйнварга кадәр озайтылды

Бүген көндез юлларны кардан чистартуда 758 юл эшчесе һәм 626 берәмлек техника җәлеп ителгән

Фото: Денис Гордийко

(Казан шәһәре KZN.RU, 20 нче гыйнвар). «Буран» планы Казанда 22 нче гыйнварга кадәр озайтылды. Татарстанның Гидрометүзәге мәгълүматлары буенча, соңгы өч тәүлектә шәһәрдә 29 мм кар яуган, бу айлык норманың 63% ын тәшкил итә.

Тема буенча материаллар:

Казанда «Буран» планы игълан ителде – юлларны кардан чистартуга 800 берәмлек махсус техника җәлеп ителәчәк

Шәһәрнең Тышкы төзекләндерү комитеты хәбәр иткәнчә, мондый карлы көннәрдә юл хезмәтләре шәһәр территорияләрен оператив чистарту өчен бөтен потенциалын кулланачак. Соңгы өч көндә техника тәүлек эчендә уртача 1 054 берәмлек чыккан.

Кар яуган вакытта беренче чиратта юлларны эттерү һәм эшкәртү башкарыла, карны чыгару буенча эшләр көчәйтелгән. Аны сигез кар эретү пунктына, шулай ук 12 вакытлыча чыгару урыннарына җибәрәләр, шул исәптән Тэцевская һәм Яңа Дәүләки урамнарына.

Бүген көндез юл хезмәтләре көчәйтелгән режимда эшләвен дәвам итәчәк. Магистраль һәм икенчел юлларны, квартал эчендәге юлларны, шул исәптән торак массивларны, тукталыш кесәләрен һәм тротуарларны чистартуга аерым игътибар биреләчәк. Карны чыгару да дәвам итәчәк. Көндез ТР башкаласы урамнарында 758 юл эшчесе һәм 626 берәмлек техника эшләячәк.

Туктаусыз эшләү максатыннан махсус техника йөртүчеләре өчен юлларны җыештыру маршрутларына кайнар азык-төлек китерү оештырылды. Зур габаритлы транспортның шәһәргә керүе вакытлыча чикләнгән – бу тыгыннар барлыкка килүне киметергә мөмкинлек бирәчәк.

17 нче гыйнвардан барлыгы 83,7 мең тонна кар чыгарылган, 3,97 мең тонна бозга каршы материаллар кулланылган.

Гыйнвар башыннан 53,2 мм кар яуган – бу айлык норманың 115% ы. 246,5 мең тонна кар чыгарылган, 14,95 мең тонна бозга каршы материаллар сарыф ителгән.