ТР буенча Россия Пенсия фонды бүлеге: 300 меңгә якын татарстанлы электрон хезмәт кенәгәсен сайлады

<h1></h1> <div> </div> <img src="https://kzn.ru/upload/iblock/b1d/DEN_9453-870.jpg"> <div class="detail-picture"> <p class="detail-picture__caption"> Фото: Денис Гордийко </p> </div> <p> (Казан шәһәре KZN.RU, 17 нче март). Якынча 295 мең татарстанлы электрон хезмәт кенәгәсен сайлады. </p> <p> «Электрон кенәгә бирә торган төп өстенлек – документтан дистанцион файдалану мөмкинлеге. Эшкә урнашканда эш бирүчегә электрон хезмәт кенәгәсеннән өземтәне күчереп алып җибәрү дә җитәчәк», – дип билгеләде Пенсия фондының ТР буенча бүлеге башлыгы Эдуард Вафин. </p> <p> Хезмәт эшчәнлеге турындагы белешмәләр белән электрон өземтә PDF-форматта формалаштырыла һәм Россия Пенсия фондының төбәкара мәгълүмат үзәгенең квалификацияле электрон имзасы белән раслана. </p> <p> Электрон хезмәт кенәгәсеннән мәгълүматны Россия Пенсия фонды сайтындагы шәхси кабинетта яки дәүләт хезмәтләре порталында алырга мөмкин, дип хәбәр итә Пенсия фондының ТР буенча бүлеге матбугат хезмәте. </p>

2022-03-17T11:30:47+0300