Җырчы Эльмира Кәлимуллина, блогерлар һәм спортчылар Казан укучылары өчен игелек дәресләре үткәрәчәк

5-нче сентябрьдән башлап Казан мәктәпләрендә игелек дәресләре узачак.

(Казан шәһәре KZN.RU, 4-нче сентябрь). 5-нче сентябрьдән башлап Казан мәктәпләрендә игелек дәресләре узачак. Декада дәвамында укучылар өчен дәресләрне дәүләт һәм муниципаль хакимият вәкилләре, хәйрия фондлары һәм иҗтимагый оешмалар җитәкчеләре, танылган журналистлар, спортчылар, артистлар, җәмәгать эшлеклеләре үткәрәчәк.

Киров районының 70-нче номерлы мәктәбе, Яңа Савин районының 179-нчы номерлы гимназиясе, Идел буе районының 35-нче номерлы лицее һәм 68-нче номерлы мәктәбе дәресләр узачак беренче мәктәпләр булачак. Бу мәктәпләрдә укучыларга WorldSkills хәрәкәтендә катнашучылар, блогерлар, спортчылар һәм җырчы Эльмира Кәлимуллина игелек турында сөйләячәк.

Тематик дәресләр Казанның барлык мәктәпләрендә 14-нче сентябрьгә кадәр барачак. Чакырылган кунаклар укучыларга игелеклелек, яхшы гамәлләр кылу мөһимлеге турында сөйләячәкләр.

Беренче сыйныф укучыларының барысы да яңартылган Игелекле эшләр көндәлеге белән бүләкләнде, биредә алар ел дәвамында кылган яхшы гамәлләрен теркәп барачаклар.

Шулай ук укыгыз

Барлык яңалыклар