Депутатлар Казанның Вахитов районында яшәүчеләргә торак фондны капиталь ремонтлау һәм ишегалларын төзекләндерү барышы турында сөйләделәр

Казан шәһәре думасы депутатлары Кремль округы сайлаучылары алдында хисап тотты.

Фото: Вахитов һәм Идел буе районнары администрациясе матбугат хезмәте

(Казан шәһәре KZN.RU, 9-нчы февраль). Казанның Вахитов районы Балалар иҗат үзәгендә Казан шәһәре Думасы депутатларының Кремль сайлау округында яшәүчеләр алдында чираттагы хисабы булып узды.

Очрашуда Вахитов һәм Идел буе районнары администрациясе башлыгы урынбасары Ольга Дроздецкая, Казан шәһәре думасы депутатлары Лилия Бакулина һәм Динара Халимдарова, ТР Дәүләт Советы депутатлары Алексей Созинов һәм Ольга Воронова катнашты, ул шулай ук Вахитов һәм Идел буе районнарының депутат берләшмәсе рәисе.

Спикерлар хәбәр иткәнчә, 2020 елда Кремль сайлау округы территориясендә Горький урамындагы 6-нчы номерлы йортка капиталь ремонт ясалган, канализация, җылыту, су белән тәэмин итү һәм электр системалары яңартылган. Малая Красная урамындагы 14 нче йортта фасад реставрацияләнгән. Быел округта Бауман урамы, 30, Ботаника урамы, 10а, Горький урамы, 6а, Дзержинский урамы, 20б, Курашов урамы, 32, Лобачевский урамы, 12/32, Карл Маркс урамы, 46, Карл Фукс урамы, 4 адресы буенча йортларга капиталь ремонт ясау планлаштырыла.

«Безнең ишегалды» программасы буенча Кремль округында 31,1 мең кв.м мәйданлы 12 ишегалды территориясе төзекләндерелгән. 2021 елга республика төзекләндерү программасына якынча 28 ишегалды кертелгән.

Моннан тыш, капиталь ремонт программасы кысаларында Большая Красная урамы, 60/35 адресы буенча 15-нче номерлы балалар бакчасында эшләр башланды. Быел монда эшләр дәвам итәчәк, дип билгеләп үтте депутатлар. Бина мәдәни мирас объекты булып тора, дип хәбәр итә Вахитов һәм Идел буе районнары администрациясенең матбугат хезмәте.

Фоторепортаж

Шулай ук укыгыз

Барлык яңалыклар