Халык караокесы бәйгесенең беренче катнашучылар “Салават күпере” торак комплексында чыгыш ясаячаклар

Халык караокесы бәйгесенең беренче катнашучылар “Салават күпере” торак комплексында чыгыш ясаячаклар

<p> (Казан шәһәре KZN.RU, 10-нчы август). Шимбә, 11 августта, “Салават күпере” торак комплексында халык караокесы бәйгесендә катнашучыларны бәяли алачак. Торак комплекста “Безнең команда” тавышы – безнең ишегалды тавышы!” проектының беренче сайлап алу туры узачак.<br> </p> <p> Бәйге Казанда өченче тапкыр уздырыла. Ул 2016 елның җәендә Киров һәм Мәскәү районнарында барлыкка килде, ә быел шәһәр масштабларына чыкты һәм 24 мәйданчыкта – ишегалларында, скверларда һәм паркларда узачак. Анда барлык теләүчеләр дә катнаша ала, моның өчен голосдвора.рф сайтында яисә бәйге үткән көнне урында теркәлергә кирәк. Районнар бәйгеләре финаллары “Крылья Советов”, “Калейдоскоп” паркларында, Горки-Әмәт урманында һәм “Фестиваль” бульварында узачак, ә җиңүчеләр 30 августта Шәһәр көне бәйрәмендә төп сәхнәдән чыгыш ясаячак. </p> <p> Беренче сайлау турының төп сәхнәсе Сажинов урамының 3-нче йорты ишегалдында урнашачак. Бәйгедә катнашучылар репертуарны үзләре сайлый алачак, ә катнашучыларны тамашачылар тавыш бирү юлы белән сайлаячак. Чара 15.00 сәгатьтә башлана, дип хәбәр итә Киров һәм Мәскәү районнары администрациясенең матбугат хезмәте. </p>

2018-08-10T13:02:26+0300