В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
21.11.2025, 10:17
Казан халкы бу ялларда «Ракета» стадионындагы шугалакка шуарга килә ала
Калган стадионнарда шугалаклар даими салкыннар башлангач ачылачак
Денис Гордийко фотосы
Бу ялларда «Ракета» стадионындагы шугалакта массакүләм шуу сезоны ачыла. Биредә тимераякны прокатка бирү пункты да эшләячәк. Теләге булган һәр кеше әлеге мөмкинлектән файдалана ала.
Физик тәрбия һәм спорт комитетында хәбәр итүләренчә, 22 һәм 23 ноябрь көннәрендә Казан халкы шугалакта 17:00 сәгатьтән 21:00 сәгатькә кадәр шуа ала. 7 яшькә кадәрге балалар һәм сәламәтлеге чикле кешеләр шугалакка бушлай керә ала.
Калган шәһәр стадионнарында шугалаклар даими салкыннар башлангач ясалачак.
Исегезгә төшерәбез, киләсе кыш айларында Казанда йөздән артык тимераякта шуу мәйданы: хоккей тартмалары, боз сарайлары һәм ачык шугалаклар эшләячәк. Хәзерге вакытта шәһәрдә массакүләм шуу өчен җиде мәйданчык ачылган, алар арасында «Триумф», «Ватан», «Алтын алка», «Баско», «Юдино», «Форвард» һәм «Зилант» спорт комплексларындагы боз ареналарын санарга була.
Шулай ук укыгыз
-
24.11.2025, 17:55 -
24.11.2025, 17:41 -
24.11.2025, 17:20 -
24.11.2025, 17:03