«Шәһәрле-галим» проектының беренче дәресе КФУ лабораториясендә узачак

Катнашучылар суның сыйфатына экспресс-анализ ясаячак һәм сулыкларда яшәүчеләрне микроскоп аша караячак

Фото: Марат Мөгыйнов

(Казан шәһәре KZN.RU, 5 нче июль). «Шәһәрле-галим» проектының беренче дәресе суга багышланачак. Казанлылар 8 нче июльдә КФУ лабораториясендә булачак, анда сулыкларда яшәүчеләрне микроскоп аша караячак һәм су сыйфатына экспресс-анализ ясаячак. Катнашу өчен теркәлергә кирәк.

Дәресне экология фәннәре кандидаты, су объектларын торгызу буенча белгеч Эльвира Нәбиева үткәрәчәк. Ул КФУ лабораториясе, шәһәрдәге суны тикшерү, шулай ук Түбән Кабан, Аккош, Марьино күлләрен торгызу турында сөйләячәк.

Шәһәрлеләрне 11:00 сәгатьтә КФУның табигатьне көйләү һәм сулардан файдалану кафедрасында Мартин Межлаук урамы, 1 корп. 1 адресы буенча көтәчәкләр, дип хәбәр итәләр Казансуның үсеш стратегиясе Telegram-каналында.

Исегезгә төшерәбез, «Шәһәрле-галим» проектының икенче сезоны 6 нчы июльдә башлана. Катнашучыларны 12 дәрес көтә: алар Казансу экосистемасы белән таныша, экспертлар һәм кешеләр белән белемнәре белән уртаклаша, шулай ук үз кейсын булдыра алачак. Очрашуларның күпчелеге практик өлешне үз эченә алачак – бу күнекмәләрне ныгытырга һәм яңа дәресләрдә үз көчеңне сынап карарга мөмкинлек бирәчәк.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар