Казанда самбо буенча Россия беренчелеге 700 дән артык спортчыны берләштерәчәк

Татарстан җыелма командасын ТР башкаласы, Түбән Кама, Әлмәт, Чистай һәм башка шәһәрләр спорт мәктәпләрендә тәрбияләнүчеләр тәкъдим итәчәк.

Фото: Бөтенроссия самбо федерациясе

(Казан шәһәре KZN.RU, 10 нчы февраль). Татарстан башкаласы 14-16 яшьлек егетләр һәм кызлар арасында самбо буенча Россия беренчелеген кабул итәчәк. Ярышлар 22-27 нче февральдә «Олимпиец» спорт комплексында узачак.

Ярышлар илнең 74 төбәгеннән 700 дән артык спортчыны берләштерәчәк. Татарстан җыелма командасын Казан, Түбән Кама, Әлмәт, Чистай һәм башка шәһәрләр спорт мәктәпләрендә тәрбияләнүче 12 егет һәм 7 кыз тәкъдим итәчәк.

Катнашучылар 9 авырлык категориясендә җиңү өчен көрәшәчәк. Призерлар 18-24 нче апрель көннәрендә Израильдә узачак Европа беренчелегендә катнашу өчен Россия җыелма командасы составына керү мөмкинлеген алачак, дип хәбәр итә ТР Спорт министрлыгы матбугат хезмәте.

Шулай ук укыгыз

Барлык яңалыклар