Татарстан хаҗиларының беренче төркеме Согуд Гарәбстанына 4 августта китә

Татарстан хаҗиларының беренче төркеме Согуд Гарәбстанына 4 августта китә

<p> (Казан шәһәре KZN.RU, 13-нче июль). 4 августта Казаннан Согуд Гарәбстанына Татарстан хаҗиларының беренче төркеме оча. 49 кеше Мәккә белән Мәдинәгә хаҗ кылу өчен бара. 2018 елда Россия мөселманнары өчен барлыгы 20,5 мең урын бүленгән, шуларның 1800-е – Татарстан өчен. </p> <p> Быел Татарстан төркемнәрен төрле категорияле һәм белгечлекле 20 табиб озата барачак. Мина үзәнлегендә “хастаханә” чатыры урнаштырылган. </p> <p> Татарстанлылар өчен быелгы хаҗ сезоны яңалыгы – туклану оештыру. Беренче тапкыр хаҗиларны Татарстаннан пешекче озата барачак, ул аларга татари милли ашларын әзерләп торачак. </p> <p> 2018 елда Согуд Гарәбстаны хакимияте паспортларга ябыштырыла торган традицион визалардан баш тартты. Быел чик аша узганда, хаҗилар паспорт һәм А4 форматында чыгарылган визаларын күрсәтергә тиеш булалар. </p> <p> Искәртергә кирәк, Татарстанда хаҗ оештыру белән “ДУМ РТ Хадж” рәсми хаҗ-операторы шөгыльләнә. Ул 2012 елда ТР Мөселманнар диния нәзарәте тарафыннан оештырыла. 2017 елда 1700 хаҗи оператор хезмәте белән файдаланган. Шул ук вакытта Татарстан хаҗиларының 10% хаҗга икенче тапкыр барган. “ДУМ РТ Хадж” операторы аша иң арзан юллама 149 мең сум тора – хаҗилар арасында иң популяр пакет. </p> <p> Татарстан хаҗиларны Хәнәфи мәзхәбе нигезләре буенча әзерләүче Россиянең бердән-бер төбәге булып тора. Хаҗ каноннары буенча йолаларны үтәү буенча төркем җитәкчесе консультация бирә, дип хәбәр иттеләр ТР Мөселманнар диния нәзарәтендә. </p>

2018-07-13T11:10:04+0300