Бөтенроссия халык санын алуның исәп-хисап битләре тулысынча аноним булачак

Исәпкә алу кәгазьләре, исәпкә алу нәтиҗәләрен бастырганнан соң ук, юк ителәчәк.

(Казан шәһәре KZN.RU, 15-нче июнь). Бөтенроссия халык санын алуның исәпкә алу битләре тулысынча аноним булачак, аларда бернинди персональ мәгълүмат булмаячак. Исәпкә алу кәгазьләре, исәпкә алу нәтиҗәләрен бастырганнан соң ук, юк ителәчәк. Бу хакта Казан шәһәрендәге Дәүләт статистикасы бүлегендә хәбәр иттеләр.

Ведомствода билгеләп үтүләренчә, үзбилгеләнү мәгълүматлар җыюның төп принцибы булып тора - исәпкә алу кәгазьләренә барлык җавапларны респондентларның сүзләре белән кертәчәкләр. Бернинди раслаучы документлар да кирәк булмаячак. Исегезгә төшерәбез, исәпкә алу барышында РФ халкына 30 сорауга җавап бирергә тәкъдим итәчәкләр, алар арасында җенесе, яше, гражданлыгы, туган урыны, милләте, туган теле, белеме, никахтагы торышы, балалар саны, яшәү өчен акча чыганаклары, мәшгульлек һәм башкалар бар.

Россиядә беренче тапкыр халык санын алу яңа, цифрлы форматта узачак. Барлык теләүчеләр интернет аша исәпкә алуда катнаша алачак - РФ дәүләт хезмәтләре порталында яки мобиль кушымтада. Сорауларга традицион ысул белән дә җавап бирергә мөмкин - теркәүче кеше барлык җавапларны планшеттагы электрон исәпкә алу кәгазенә кертәчәк. «Барлык очракларда да Бөтенроссия халык санын алу кәгазьләре тулысынча аноним булачак. Исеме, фамилиясе һәм атасының исеме исәпкә алу кәгазьләрендә юк», - дип ассызыклыйлар Татарстанстатта. Респондентлар тарафыннан тутырылган исәп кәгазьләре исәпкә алу нәтиҗәләре бастырылганнан соң ук юкка чыгарыла.

«Халык санын алу - халык саны, йорт хуҗалыклары составы, никахтагы торыш, белем дәрәҗәсе, милли состав һәм башкалар турында мәгълүматларның уникаль чыганагы ул. Алынган мәгълүматлар нигезендә илнең социаль-икътисади үсеш программалары формалашачак», - дип билгеләп үтте брифингларның берсендә Татарстанстат җитәкчесе Наталья Гатауллина.

Шулай ук укыгыз

Барлык яңалыклар