Яңалыклар
28.12.2019, 13:42
«Шәһәрдә әкиятләр» күчмә урам театры Казан паркларында чыгыш ясаячак
18.00 сәгатьтә театр Аксенов скверында чыгыш ясаячак, ә 20.00 сәгатьтә - шәһәрнең төп чыршысы урнашкан «Казан» гаилә үзәге янында.
(Казан шәһәре KZN.RU, 28-нче декабрь). Бүген Казанның җәмәгать киңлекләрендә «Шәһәрдә әкиятләр» күчмә урам театры «Кар бөртекләре» спектаклен тәкъдим итәчәк.
18.00 сәгатьтә театр Аксенов скверында чыгыш ясаячак, ә 20.00 сәгатьтә - шәһәрнең төп чыршысы урнашкан «Казан» гаилә үзәге янында.
Шуннан соң театр Татарстан буенча турга китә – чыгышлар республиканың 16 торак пунктында узачак. 10 көн эчендә театр труппасы 24 әкияти тамаша күрсәтәчәк, дип хәбәр итә Парклар һәм скверлар дирекциясе.
Моннан тыш, Казан паркларында «Дурацкий цЫрк» спектакле белән «Высокие братья» урам театры чыгыш ясый. Тамашачылар уенны, моноциклдагы эквилибрны, иркен баскычтагы балансны һәм башка күп кенә куркыныч номерларны күрә алачак.
Исегезгә төшерәбез, шәһәр халкын һәм кунакларны Яңа ел алдыннан һәм бәйрәм көннәрендә «Паркларда кыш» дип исемләнгән бай мәдәни программа көтә. Татарстан башкаласында Яңа ел бәйрәмнәре вакытында ачык һавада барлыгы 160-тан артык чара узачак.
Шулай ук укыгыз
-
06.05.2025, 18:01 -
06.05.2025, 17:15 -
06.05.2025, 16:02 -
06.05.2025, 15:23
