Казанда тәүлек эчендә пенсионер ханымны һәм өч баланы бәрдергәннәр

Казанда тәүлек эчендә пенсионер ханымны һәм өч баланы бәрдергәннәр

<p> </p> <div class="detail-picture"> <img src="https://kzn.ru/upload/iblock/2b8/2b840c5dbdd91bcc848ef25ab8ff4d38.jpg"> <p class="detail-picture__caption"> Фото: Марат Мөгыйнов  </p> </div> <p> (Казан шәһәре KZN.RU, 4 нче октябрь). ТР башкаласында тәүлек эчендә 122 юл-транспорт һәлакәте теркәлгән. Аварияләрдә тугыз кеше зыян күргән, шул исәптән дүрт җәяүле, дүрт пассажир һәм велосипедчы. Алар төрле дәрәҗәдәге җәрәхәтләр алган. </p> <p> 3 нче октябрь иртәсендә юл-транспорт һәлакәте Боевая урамындагы 38 нче йорт каршында була. Беренчел мәгълүматлар буенча, руль артындагы 63 яшьлек ханым тиешсез урында юл аркылы чыккан 10 яшьлек малайны бәрдергән.  </p> <p> Соңрак башка машина йөртүче хатын-кыз Гарифьянов урамындагы 12 нче йорт ишегалдыннан чыгып барганда, беренчел мәгълүматлар буенча, юл бирми һәм 16 яшьлек яшүсмерне бәрдерә. Егет юл аркылы велосипедта чыккан.  </p> <p> Шулай ук 7 яшьлек бала катнашындагы юл-транспорт һәлакәте Ваһапов урамындагы 14 нче йорт ишегалдында булган. Шофер, беренчел мәгълүматлар буенча, куркынычсыз тизлекне сайламаган һәм малайга бәрелгән.  </p> <p> Шул ук көнне 77 яшьлек хатын-кызны Хөсәен Ямашев проспектындагы 19б номерлы йорт каршында бәрдерәләр. Билгесез автомобиль йөртүчесе артка хәрәкәт иткәндә маневрның куркынычсызлыгына инанмый һәм хатын-кызга бәрелә.  </p> <p> Барлык җәяүлеләргә һәм велосипедчыга хастаханәдә ярдәм күрсәттеләр һәм өйләренә җибәрделәр, дип хәбәр итә Россия Эчке эшләр министрлыгының Казан буенча Дәүләт автоинспекциясе пропаганда бүлеге. </p>

2023-10-04T14:01:24+0300