Казан пенсионеры, туганына ярдәм итәм дип, 70 мең сум акчасын югалткан

Зыян күрүченең акчаларын мошенниклар курьеры алып киткән

Фото: Марат Мөгыйнов

Казан пенсионеры мошенникларның хәйләләренә эләгә һәм 70 мең сум акчасын югалта.

Тема буенча материаллар:

Казанда яшәүчеләрне алдауның яңа схемасы турында кисәттеләр

19 нчы гыйнварда зыян күрүчегә билгесез кешеләр шалтырата һәм аның килене авариядә гаепле булуын җиткерәләр. Мошенниклар пенсионерны мәсьәләне хәл итү өчен курьерга акча бирергә күндерәләр. Туганының тормышы өчен куркып, пенсионер хатын мошенникларга акча бирә.

«Савиново» полиция бүлегендә РФ Җинаять кодексының 159 нчы «Мошенниклык» маддәсе буенча җинаять эше кузгатылган. Хәзерге вакытта хокук саклаучылар җинаятькә катнашы булган кешеләрне ачыклау һәм тоткарлау өчен оператив-эзләү чаралары үткәрә, дип хәбәр иттеләр Россия Эчке эшләр министрлыгының Казан буенча идарәсе матбугат хезмәтендә.

Исегезгә төшерәбез, 2023 елда татарстанлылар телефон мошенникларына 4,2 млрд сумнан артык акча биргәннәр. Җинаятьләрнең якынча 40% ында аферистлар үзләрен хокук саклау органнары һәм банкларның иминлек хезмәтләре хезмәткәрләре дип таныштырган. Хәзер республикада чираттагы алдау схемасы популярлаша – алдакчылар кәрәзле элемтә хезмәтләрен озайтырга тәкъдим итә.

Шулай ук укыгыз

Барлык яңалыклар